நீங்கள் தேடியது "காங்கிரஸ் கட்சி"

ஜுனாகத்:

குஜராத் மாநிலம் ஜுனாகத் நகரில் நேற்று நடந்த பா.ஜனதா தேர்தல் பிரசார கூட்டத்தில் பிரதமர் மோடி கலந்து கொண்டார். அதில் அவர் காங்கிரஸ் கட்சியை கடுமையாக தாக்கி பேசினார். அவர் உரையாற்றும் போது கூறியதாவது:-

பல்வேறு ஊழல்களின் பெயரால் காங்கிரஸ் கட்சி அறியப்பட்டு வருகிறது. அது தற்போது புதிய ஊழல் ஒன்றின் பெயரையும் பெற்று இருக்கிறது. அதுவும், ஆதாரத்துடன் சிக்கி இருக்கிறது. அதாவது ‘துக்ளக் சாலை தேர்தல் ஊழலில்’ காங்கிரஸ் ஈடுபட்டு வருகிறது. இதில் ஏழைகள் மற்றும் கர்ப்பிணிகளுக்கான நிதியை கொள்ளையடித்து வருகிறார்கள்.

டெல்லி துக்ளக் சாலையில் வசித்து வரும் முக்கியமான நபர் ஒருவரின் வீட்டில் இருந்து டெல்லியில் உள்ள ஒரு பெரிய கட்சியின் தலைமை அலுவலகத்துக்கு ரூ.20 கோடி கைமாறியது தொடர்பான தகவல் ஒன்றை வருமான வரித்துறை கண்டுபிடித்து இருப்பதாக மத்திய நேரடி வரிகள் வாரியம் கூறியுள்ளது. (துக்ளக் சாலையில் ராகுல் காந்தியின் அலுவலக இல்லம் அமைந்திருப்பது குறிப்பிடத்தக்கது)

காங்கிரஸ் தலைவர்களின் வீடுகளில் இருந்து மூட்டை மூட்டையாக பணம் கைப்பற்றப்படுவதை கடந்த சில நாட்களாக நீங்கள் ஊடகங்களில் பார்த்து வருகிறீர்கள். மத்திய பிரதேசத்தில் காங்கிரஸ் கட்சி ஆட்சிக்கு வந்து 6 மாதம் கூட இன்னும் நிறைவு பெறவில்லை. அதற்குள் அங்குள்ள காங்கிரசாரின் வீடுகளில் இருந்து பணம் பறிமுதல் செய்யப்பட்டு இருக்கிறது.

முதலில் கர்நாடகாதான் காங்கிரசின் ஏ.டி.எம். எந்திரமாக இருந்தது. தற்போது மத்திய பிரதேசம் அதன் புதிய ஏ.டி.எம்.மாக மாறி இருக்கிறது. ராஜஸ்தான், சத்தீஸ்காரிலும் இதுபோன்ற சூழல்தான் நிலவுகிறது. மக்களை கொள்ளையடிக்கவே காங்கிரஸ் கட்சி ஆட்சிக்கு வர விரும்புகிறது.

மத்திய பிரதேசத்தில் தற்போது பிடிபட்ட பணம் வெறும் டிரெய்லர்தான். எனவே காங்கிரசின் கையில் நாட்டை கொடுத்தால், அப்புறம் எங்கள் கைகளில் எதுவும் இல்லை. காங்கிரசின் கதையே வெறும் ஒரு குடும்பத்தின் கதைதான்.

கடந்த 5 ஆண்டுகளில் காங்கிரசாரின் வீட்டு வாசல் வரை சிறையை கொண்டு வந்திருக்கிறேன். இன்னும் நீங்கள் எனக்கு அடுத்த 5 ஆண்டுகளை கொடுத்தால், அந்த சிறைக்குள் அவர்கள் இருப்பார்கள்.

தேசத்துரோக சட்டம் ரத்து செய்யப்படும் என காங்கிரஸ் கட்சி தனது தேர்தல் அறிக்கையில் குறிப்பிட்டு உள்ளது. 125 ஆண்டு பழமையான ஒரு கட்சியிடமிருந்து இதை எதிர்பார்க்க முடியுமா? நாட்டை பல துண்டுகளாக ஆக்க முயற்சிக்கும் இவர்கள் தேசதுரோகிகள் அல்லவா? இதைப்போல நமது ஆயுதப்படைகளின் அதிகாரத்தை குறைப்பது குறித்து காங்கிரஸ் பேசி வருகிறது.

இப்படி அவர்கள் தேர்தல் அறிக்கை முழுவதும் பாகிஸ்தானின் விருப்பத்தை நிறைவேற்றும் வகையிலேயே அமைந்து உள்ளது. பாகிஸ்தானில் பயங்கரவாத முகாம்கள் மீது வான்வழி தாக்குதல் நடத்தியது, காங்கிரசுக்கு பாதிப்பை ஏற்படுத்தியது. இதனால் வயிற்றெரிச்சல் அடைந்த அவர்கள், ஆதாரம் கேட்கிறார்கள்.

பயங்கரவாதம் மற்றும் ஊழலுக்கு எதிரான போராட்டமும், வளர்ச்சியுமே பா.ஜனதாவின் தாரக மந்திரம். மேலும் ஏழைகளுக்காக பணி செய்தல், நடுத்தர வர்க்கத்தினருக்கு வாய்ப்புகளை வழங்குதல், நகரங்கள் மற்றும் கிராமங்களின் வளர்ச்சியை உறுதி செய்ய பா.ஜனதா விரும்புகிறது.

ஆனால் காங்கிரஸ் கட்சியின் டேப் ரிக்கார்டர் எப்போதும் ‘மோடியை அகற்றுவோம்’ என்பதாகவே ஒலிக்கிறது. அவர்களிடம் வேறு திட்டம் எதுவும் இல்லை.

இவ்வாறு பிரதமர் மோடி கூறினார்.

புதுடெல்லி:

காங்கிரஸ் கட்சி டுவிட்டரில் ஒரு பதிவு வெளியிட்டுள்ளது. இந்தியில் வெளியிடப்பட்ட அந்தப் பதிவில், “குழல் ஊதியாகி விட்டது. இனி பொதுமக்கள்தான் தீர்மானிக்க வேண்டும். பொய்களை எதிர்த்து போராட போதுமான தயார் நிலையில் இருக்கிறோம். இந்த அரசின் பொய்யர்களை நாங்கள் தோற்கடிப்போம். எங்களுக்குத்தான் வெற்றி. வெற்றிக்கு தயாராகி விட்டோம்” என கூறப்பட்டுள்ளது.

மேலும், “போருக்கு தயாராகி விட்டோம். 2019-ம் ஆண்டு ஐக்கிய முற்போக்கு கூட்டணிக்கு உண்மை வெற்றி தேடித்தரும்” எனவும் கூறி உள்ளது.

2 நிமிட வீடியோ ஒன்றையும் காங்கிரஸ் கட்சி வெளியிட்டது. அதில் கட்சி தலைவர் ராகுல் காந்தி மக்களை சந்திப்பதுபோன்ற காட்சி இடம் பெற்றிருந்தது. 

நாகப்பட்டினம்:

பணமதிப்பிழப்பு செய்த மத்திய அரசை கண்டித்து நாகை தலைமை தபால் நிலையம் முன்பு காங்கிரஸ் கட்சி சார்பில் நேற்று ஆர்ப்பாட்டம் நடைபெற்றது. ஆர்ப்பாட்டத்துக்கு மாவட்ட தலைவர் கனகராஜ் தலைமை தாங்கினார். நகர தலைவர் ரவிச்சந்திரன், செயலாளர் சந்தானமாரிமுத்து ஆகியோர் முன்னிலை வகித்தனர்.

இதில் துணை தலைவர் பன்னீர், வட்டார தலைவர்கள் சுப்பிர மணியன், செய்யதுபிக்கின் ஆகியோர் கலந்துகொண்டு பேசினர். ஆர்ப்பாட்டத்தில் பணமதிப்பிழப்பு செய்த மத்திய அரசை கண்டித்து கோஷங்கள் எழுப்பப்பட்டன. இதில் நாகூர் நகர தலைவர் அப்துல் காதர் மற்றும் நிர்வாகிகள், உறுப்பினர்கள் உள்பட பலர் கலந்துகொண்டனர். 

சென்னை:

தமிழ்நாடு காங்கிரஸ் கட்சியின் சார்பில் மாவட்ட தலைவர்கள் மற்றும் மாநில முன்னணி அமைப்புகளின் தலைவர்கள் கூட்டம் சென்னை சத்தியமூர்த்தி பவனில் நடைபெற்றுக்கொண்டிருந்தபோது, அழைப்பாளர்களாக இல்லாதவர்கள் மற்றும் ஏற்கனவே கட்சியிலிருந்து தற்காலிகமாக நீக்கப்பட்ட முரளிதரன், சீனிவாசமூர்த்தி ஆகியவர்களோடு சேர்ந்துகொண்டு கூட்டத்திற்குள் அத்துமீறி நுழைய முயற்சித்தும், சத்தியமூர்த்தி பவன் வளாகத்தில் காங்கிரஸ் கட்சிக்கு களங்கம் கற்பிக்கின்ற வகையிலும், இன்றைய கூட்டத்தின் நடவடிக்கைகளை சீர்குலைக்கின்ற வகையிலும் செயல்பட்ட காரணத்தினால் காங்கிரஸ் கட்சியின் ஒழுங்கு நடவடிக்கை மற்றும் சட்ட விதிகளுக்குட்பட்டு இன்று முதல் காங்கிரஸ் கட்சியின் அடிப்படை உறுப்பினர் உள்ளிட்ட அனைத்து பொறுப்புகளிலிருந்தும் நிரந்தரமாக நீக்கப்படுகிறார்கள். நீக்கப்பட்டவர்களின் பெயர் வருமாறு:-

முரளிதரன், சீனிவாசமூர்த்தி, கடல் தமிழ்வாணன், வில்லிவாக்கம் ஜான்சன், ஏ.வி.எம்.ஷெரிப், பொன் மனோகரன், திருவொற்றியூர் பாஸ்கர்.

இவர்களோடு கட்சிக்காரர்கள் கட்சி சம்பந்தமான நடவடிக்கைகள் மற்றும் தொடர்புகள் வைத்துக்கொள்ளக்கூடாது என தெரிவிக்கப்படுகிறது.

மேற்கண்ட தகவல் தமிழ்நாடு காங்கிரஸ் கட்சியின் தலைவர் திருநாவுக்கரசர் வெளியிட்டுள்ள அறிக்கையில் தெரிவிக்கப்பட்டுள்ளது. #Thirunavukkarasar

நாக்பூர்:

ரபேல் போர் விமான கொள்முதல் விவகாரத்தில் ஊழல் நடந்துள்ளதாக காங்கிரஸ் கட்சி குற்றம் சாட்டி வருகிறது. இந்நிலையில், மராட்டிய மாநிலம் நாக்பூரில், காங்கிரஸ் மூத்த தலைவர் ப.சிதம்பரம் நேற்று நிருபர்களுக்கு பேட்டி அளித்தார். அப்போது, ரபேல் விவகாரம் தொடர்பாக காங்கிரஸ் கட்சி, கோர்ட்டை அணுகுமா? என்று கேட்டதற்கு ப.சிதம்பரம் கூறியதாவது:-

இந்த பிரச்சினைக்கு கோர்ட்டு தீர்வு அல்ல. எதற்கெடுத்தாலும் கோர்ட்டுக்கு செல்வது இந்தியாவில் ‘பேஷன்’ ஆகிவிட்டது. ரபேல் பற்றி விவாதம் நடத்த வேண்டிய இடம், நாடாளுமன்றம். அங்குதான், தேர்ந்தெடுக்கப்பட்ட பிரதிநிதிகள் இருக்கிறார்கள். விவாதம் நடத்த மத்திய அரசு சம்மதிக்காவிட்டால், நாடாளுமன்ற கூட்டுக்குழு அமைத்து விசாரிக்க வேண்டும்.

ரபேல் விமான கொள்முதலை ‘அவசர கொள்முதல்’ என்று மத்திய அரசு கூறுவதை ஏற்க முடியாதது. இந்த விவகாரத்தை போபர்ஸ் விவகாரத்துடன் ஒப்பிடக்கூடாது. ஏனென்றால், போபர்ஸ் விவகாரத்தில் ஊழல் நடக்கவில்லை என்று டெல்லி ஐகோர்ட்டு சொல்லி இருக்கிறது. ரபேல் விவகாரத்தில், சரியான பதில்கள் வராவிட்டால், இது ஊழல்தான் என்ற முடிவுக்கு வர வேண்டி இருக்கும்.

இவ்வாறு ப.சிதம்பரம் கூறினார்.  #Rafale #Chidambaram #tamilnews 

தஞ்சாவூர்:

நிறுத்தி வைக்கப்பட்டுள்ள பட்டுக்கோட்டை-காரைக்குடி ரெயில் போக்குவரத்தை மீண்டும் தொடங்க வேண்டும் என்று மத்திய ரெயில்வே மந்திரிக்கு காங்கிரஸ் கட்சி கோரிக்கை விடுத்துள்ளது.

இது தொடர்பாக தஞ்சை தெற்கு மாவட்ட காங்கிரஸ் தலைவர் கிருஷ்ணசாமி வாண்டையார், துணை தலைவர் வக்கீல் அன்பரசன் ஆகியோர் இணைந்து மத்திய ரெயில்வே மந்திரி பியூஸ்கோயலுக்கு அனுப்பி உள்ள ஒரு கோரிக்கை மனுவில் கூறியிருப்பதாவது:-

பட்டுக்கோட்டை- காரைக் குடி இடையே இயக்கப்பட்டு வந்த பயணிகள் ரெயில் போக்குவரத்து கடந்த ஒரு வாரத்திற்கு முன்பு எந்தவித முன் அறிவிப்பும் இல்லாமல் திடீரென்று நிறுத்தப்பட்டு விட்டது. இதனால் பட்டுக்கோட்டை, பேராவூரணி, அறந்தாங்கி மற்றும் காரைக் குடி பகுதிகளை சேர்ந்த ரெயில் பயணிகள் மிகவும் பாதிக்கப்பட்டு உள்ளனர்.

எனவே நிறுத்தப்பட்ட ரெயில்போக்குவரத்தை மீண்டும் தொடங்க வேண்டும். பட்டுக்கோட்டை முதல் காரைக்குடி வரையில் உள்ள ரெயில்வே கேட்டுகளில் பணியாளர்களை நியமிக்க வேண்டும்.

பட்டுக்கோட்டையில் இருந்து திருவாரூர் வரையிலான அகல ரெயில் பாதை பணிகளை போர்க்கால அடிப்படையில் மேற்கொண்டு காரைக்குடியில் இருந்து திருவாரூர் வழியாக சென்னைக்கு ரெயில் போக்குவரத்தை தொடங்க வேண்டும். அதுவரையில் தற்காலிகமாக பட்டுக்கோட்டையில் இருந்து காரைக்குடி, திருச்சி, தஞ்சை வழியாக சென்னைக்கு ஒரு விரைவு ரெயில் இயக்க வேண்டும்.

மேலும் கிடப்பில் போடப்பட்டுள்ள மன்னார்குடி-பட்டுக்கோட்டை, பட்டுக்கோட்டை-தஞ்சாவூர், தஞ்சை-அரியலூர், கும்பகோணம்-விருத்தாச்சலம் அகல ரெயில் பாதை பணிகளுக்கு உடனடியாக தேவையான அளவு நிதி ஒதுக்கீடு செய்து பணிகளை தொடங்க வேண்டும்.

இவ்வாறு அதில் கூறப்பட்டு உள்ளது. 

புதுடெல்லி:


குருதாஸ் காமத் மறைவுக்கு காங்கிரஸ் கட்சியின் பொதுச்செயலாளர் அசோக் கெலாட், செய்தித் தொடர்பாளர் ரன்தீப் சுரிஜிவாலா, மகாராஷ்டிரா இளைஞர் காங்கிரஸ் தலைவர் சத்யஜீத் உள்ளிட்ட தலைவர்கள் இரங்கல் தெரிவித்துள்ளனர். #GurudasKamat

பெங்களூரு:

சமீபத்தில் நடைபெற்ற கர்நாடக சட்டசபை தேர்தலில் எந்த கட்சிக்கும் பெரும்பான்மை இடங்கள் கிடைக்கவில்லை. 104 இடங்களில் வெற்றி பெற்று தனிப்பெரும் கட்சியாக விளங்கும் பா.ஜ.க.வை முதலில் ஆட்சியமைக்க ஆளுநர் அழைப்பு விடுத்தார். அதன்படி எடியூரப்பா முதல்வராக பதவியேற்றார். ஆனால் அவரால் சட்டசபையில் மெஜாரிட்டியை நிரூபிக்க முடியாததால், பதவி விலகினார். இதையடுத்து, காங்கிரஸ் மற்றும் மதச்சார்பற்ற ஜனதா தளம் (மஜத) கூட்டணி ஆட்சி அமைத்துள்ளது.  

விதான் சவுதாவில் மஜத தலைவர் குமாரசாமி முதல் மந்திரியாக பதவியேற்றார். அவருடன் துணை முதல் மந்திரியாக தேர்வு செய்யப்பட்ட கர்நாடக மாநில காங்கிரஸ் தலைவர் பரமேஸ்வராவும் பதவியேற்றார்.


இந்நிலையில், குமாரசாமி தலைமையிலான அரசுக்கு இன்று நம்பிக்கை வாக்கெடுப்பு நடைபெற உள்ளது. இதற்காக சட்டப்பேரவை இன்று கூடியது. முதலில் சபாநாயகர் தேர்தல் நடைபெற்றது. இதில், காங்கிரஸ் சார்பில் ரமேஷ்குமார் வேட்பாளராக நிறுத்தப்பட்டார். பா.ஜ.க. சார்பில் சுரேஷ்குமார் நிறுத்தப்பட்டிருந்தார்.

ஆனால், கடைசி நேரத்தில் பா.ஜ.க தனது வேட்பாளரை திரும்ப பெற்றது. இதனையடுத்து சபாநாயகராக ரமேஷ் குமார் ஒருமனதாக தேர்ந்தெடுக்கப்பட்டார். சபாநாயகர் பதவியேற்றதையடுத்து மாலை 3.30 மணிக்கு நம்பிக்கை வாக்கெடுப்பு நடத்தப்பட உள்ளது. #KarnatakaAssembly #KarnatakaSpeaker